BLOG

是日本性:振袖原來好誘人

  1. 作者:Angelia
  2. 日期:2018-01-14 07:25:03
  3. 分類:
  4. 標籤:

每年1月18日係日本嘅「振袖火事之日」(振袖火事の日),隻係乜嘢叫做「振袖火事」呢?原來佢係一種和服款式嚟,專門畀未婚女性穿著。既然係咁,佢又點解會同日本嘅風俗業有乜嘢關係呢?

呢日の由來
喺解釋乜嘢叫做「振袖火事之日」(振袖火事の日)前,先要講嚇乜嘢叫做振袖。振袖(ふりそで)其實係未婚女性所穿著嘅和服,而佢嘅特色係有色彩艷麗嘅圖案同花紋,並根據袖長分為大、中及小振袖。據稱古時日本嘅未婚女性,會通過甩動衣袖嘅動作嚟跟心儀男性示愛,因此獲得「振袖」之名,而佢至今仍係未婚女性參與成人禮或宴會上最正規嘅服裝。正因為佢限於未婚女性穿著關係,所以被日本風俗店睇中作為當中嘅風俗孃製服款式。
講番「振袖火事之日」嘅由來,其實呢日又叫「振袖大火」或「明曆大火」。明曆3年1月18日(公元1657年3月2日)喺江戶(即今日嘅東京)發生,與倫敦大火及羅馬大火並稱世界三大火災。有傳當年喺本妙寺正舉辦本鄉元町麴屋吉兵衛16歲女兒嘅喪禮,點知火化身穿紫色振袖壽衣嘅遺體時,因風勢太大將火種吹至本妙寺前庭並燃燒起嚟。火災喺兩日後大致熄滅,當中共燒毀500多家大名宅邸、700多家旗本宅邸、不計其數嘅武士宅邸、300多座寺廟及400多個市鎮,死亡人數超過10萬7千人!因此每年西曆1月18日便被定為「振袖火事之日」。

振袖與吉原遊廓
振袖之所以會同風俗業扯上關係,便要從吉原遊廓講起。自從德川家康於天正18年(公元1590年)喺江戶設立幕府後,江戶城吸引來自各地男性勞動力而導致男女比例失衡,於是遊廓便應運而生。元和3年(公元1617年)時幕府規定,遊廓中嘅遊女(風俗孃嘅前身)要衣著樸素。不過自從發生振袖大火後,經重建後嘅吉原遊廓規矩變得放寬,亦因當時嘅遊女按年齡及經驗分為多個等級,其中年輕並新入行嘅花魁(即遊女中最高級嘅一種)會被稱為「振袖新造」,而為咗顯示佢哋嘅身分,因此佢哋多會穿著振袖侍客,從此振袖便成為風俗業嘅特色服裝。

花魁風の振袖
自從振袖成為風俗業其中一種服裝後,慢慢形成自己一套風格,而被稱為「花魁風之振袖」。兩種振袖之間嘅分別,在於「花魁風之振袖」雖然同一般振袖同樣會選用艷麗嘅顏色及圖案,但款式設計相對較為一般振袖嚟講,會為咗凸顯風俗孃嘅身材而變得暴露一啲,而最明顯嘅地方就係佢嘅領口會開得較闊及低,部分裙襬更係露出埋大髀,至於花紋及圖案嘅用色同設計上亦顯得更加華麗。至於價錢方麵,振袖本身價錢已經唔平,手工同款式比較好兼有品牌嘅振袖超過200,000日圓(約14,000港元)一件,至於吉原遊廓時期所用嘅「花魁風之振袖」則更貴,因此現時日本風俗店所用嘅振袖,都屬質量麻麻嘅平價貨。

振袖風俗店
雖然今日嘅日本風俗業,以振袖嚟區分風俗孃級別嘅做法已唔存在,但為咗滿足玩家對昔日遊廓嘅回憶,現時仍有少數以振袖為主題嘅風俗店,好似喺東京五反田就有間名為「櫻花爛漫」嘅風俗店。呢間被鍾意回味昔日遊廓風味嘅玩家,評為CP值最高嘅風俗店,理由在於風俗店內有過百款振袖可供玩家選擇,雖然店內嘅振袖未必正宗,但風俗店稱佢哋已經盡挑選花魁振袖嘅款式。當玩家挑選心水風俗孃後,可再揀選最鍾意嘅振袖款式,然後讓風俗孃穿著並且和衣嬉戲。此外,風俗店將每個星期四定為「爛漫祭」,玩家喺呢日入店嘅話,不但可以以優惠價玩樂,仲可以無限量揀選多套振袖。


本文來源:http://hk.on.cc/hk/bkn/cnt/lifestyle/20180113/bkn-20180113173050551-0113_00982_001.html

無需專業化妝技巧、無需P圖、無需整形! Maybelline V臉雙色塑型筆 ...

Maybelline V臉雙色塑型筆, 兼備光影及陰影,輕輕數劃,將應飽滿嘅地方打亮,將應修飾嘅地方變暗,1分鐘就可以擁有360˚完美V臉及立體輪廓!即使係化妝新手都 ...

有情感的畫面 - Google Plus

琇文愛時尚(HD高清噴槍)~張小姐文定(台南北門自宅)~拾一攝影工作室(林俊彥/造小遠) @ 琇文愛時尚~台南高雄屏東全省新娘秘書/新祕教學/PARTY彩妝造型:: 痞客 ...

Big-head Wang‏ @jay74926

春夏女神之最 X偽電棒燙 不需要修圖居然也能成為小v臉 -喜歡深捲度波紋女神 -燙完整理方式也很百變不單調 -手繞吹乾即可 -搭配生命果油讓蓬鬆度 燙完像雲朵般鬆軟軟女神最愛 也可以像上過電棒浪漫捲度 依每個女孩的條件與特質設計出來的捲度不同pic.twitter.com/dVXZ2hlkXZ